剛開始準備婚禮，男朋友係雲雲既ig fb網站中睇到Cooper既攝影作品，非常符合我地的喜好。 最初本住上佢studio 係睇有關Bigday攝影既作品及了解package細節。 點知傾傾下俾掛係牆上的pre wedding照片吸引住，超級靚！ 咁岩我地之前係婚展Join個間Pw公司，未影已經知伏到喊🥲本身就諗緊影唔影多輯。原來佢地都籌備緊京都同沖縄團。 Cooper超有耐性講解，比我地睇埋之前佢另外PW的作品，最後我地揀左去沖縄。 影相當日天公不作美，係成個旅程最多雲個日天灰灰😮‍💨和服店舖又意外地著振袖著太耐，導致我地之後行程好趕。 但係Cooper真係臨危不亂，我地想影既景最後都影得晒！仲要無減靚相既數目☺️出來的相就算多雲天陰都有另一種美。 當日氣氛非常好，Cooper全程好有耐性帶住我地做動作擺pose。男朋友平時無咩比攝影師影開相都影得好自然，完全無因為係第一輯影而一定影得好生硬既感覺。 值得一提化妝師呀魚，佢化妝真係好靚。妝容好適合我，好多人睇完相都讚相入面既我好靚（註：仲要係未精修既相）。同埋佢真係多功能化妝師！又陪我地攀石，幫手打燈拉頭紗。仲要一有時間就過來take care我🥰 揀相個陣其實好多已經靚到可以直用 最後精修完既相更加不得了！完全挽救左我比另一輯打沉左既心情。基本上要再翻執既位超少，就算有都好快就攪掂。期待相簿成品出來☺️ 來緊Bigday都搵左Cooper Team同呀魚☺️超期待！